ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

រដ្ឋមន្រ្តីក្រសួងវប្បធម៌កោតសរសើរចំពោះវីរភាពនិងជីវិតតស៊ូពីកុមារភាពរបស់ សម្ដេចតេជោ ដែលគួរយកគំរូតាម

  • ចុះផ្សាយថ្ងៃទី២៨ ខែកញ្ញា ឆ្នាំ២០២២ ម៉ោង ១៥:៣៣ នាទី ដោយ Phon Sotthyroth
  • 2049
  Aa |   aA

ភ្នំពេញ៖ រដ្ឋមន្ត្រីក្រសួងវប្បធម៌និងវិចិត្រសិល្បៈបង្ហាញការកោតសរសើរចំពោះជីវិតតស៊ូនិងវីរៈភាពពីកុមារភាពរបស់លោកនាយករដ្ឋមន្ត្រី តាមរយៈភាពយន្តចម្រៀង "ជីវិតក្មេងវត្ត" ដោយថា ក្មេងជំនាន់ក្រោយគួរយកជាគំរូ។

ថ្លែងក្នុងពិធីចាក់សម្ពោធភាពយន្តចម្រៀង "ជីវិតក្មេងវត្ត" កាលពីព្រឹកថ្ងៃទី២៨ ខែកញ្ញា ឆ្នាំ២០២២ រដ្ឋមន្ត្រីក្រសួងវប្បធម៌និងវិចត្រសិល្បៈ លោកស្រី ភឿង សកុណា មានប្រសាសន៍ថា យុវជនជំនាន់ក្រោយគ្រប់រូបគួរបន្តយកគំរូតាមលោកនាយករដ្ឋមន្ត្រី ដោយថាមិនត្រូវបង្អង់យូរក្នុងការធ្វើកិច្ចការអ្វីមួយដោយចាប់ផ្ដើមធ្វើវាភ្លាមជាមួយនឹងភាពតស៊ូនិងអត់ធ្មត់។

លោកស្រីថា៖ «ទឹកមួយតក់ៗដែលស្រក់អាចធ្លុះថ្មបាន អញ្ចឹងបើសិនជាយើងគ្រាន់តែចង់រៀន ក៏ប៉ុន្តែមិនតស៊ូព្យាយាមទេថ្ងៃក្រោយបោះបង់សាលាចោល។អញ្ចឹងការតស៊ូរបស់សម្ដេចម្ដងបន្តិចៗ ដោយអំណត់ដែលយកការចេះដឹងជាគោលនេះគឺត្រូវមាន ហើយក៏ជាគំរូពិសេសសម្រាប់ប្អូនៗយុវជនជំនាន់ក្រោយស្វែងរកឱ្យមានការតស៊ូ ការប្រឹងប្រែងដោយសន្សំម្ដងបន្តិចៗ កុំចាប់ភ្លាមឡើងចង់បានពេក»។

ជាមួយគ្នានេះ លោកស្រី ក៏បានអំពាវនាវដល់សមាគមសិល្បករខ្មែរ និងគ្រប់ភាគីពាក់ព័ន្ធឱ្យបន្តការផ្សព្វផ្សាយពីខ្សែភាពយន្តចម្រៀងមួយនេះឱ្យកាន់តែទូលំទូលាយ ដែលអាចឱ្យយុវជននិងកូនខ្មែរជំនាន់ក្រោយយកជាគំរូ ក៏ដូចជាការដកស្រង់បទពិសោធន៍ដើម្បីពង្រឹងសមត្ថភាពខ្លួនផងដែរ។

លោកស្រីថា៖ «ដូច្នេះនៅក្នុងន័យនេះ ក្នុងនាមក្រសួងវប្បធម៌និងវិចិត្រសិល្បៈ និងក្នុងនាមខ្ញុំផ្ទាល់ ខ្ញុំសុំជំរុញនិងលើកទឹកចិត្តដល់សមាគមសិល្បករខ្មែរ និងគ្រប់ភាគីពាក់ព័ន្ធចូលរួមធ្វើការផ្សព្វផ្សាយស្នាដៃភាពយន្តបទចម្រៀង «ជីវិតក្មេងវត្ត» ឱ្យបានកាន់តែទូលំទូលាយតាមគ្រប់មធ្យោបាយ ដើម្បីបំផុសស្មារតីកុលបុត្រ កុលធីតាខ្មែរ ឱ្យបន្តខិតខំរៀនសូត្រ និងដកស្រង់បទពិសោធន៍និងគំរូវីរភាពរបស់សម្ដេចតេជោ ដើម្បីពង្រឹងលើកម្រិតសមត្ថភាពខ្លួនព្រមទាំងត្រៀមខ្លួនចូលរួមចំណែកអភិវឌ្ឍសង្គមនាពេលអនាគត»។

យ៉ាងណាមិញ លោកស្រី ភឿង សកុណា ក៏បានស្នើដល់ សមាគមសិល្បករខ្មែរឱ្យបន្តចូលរួមចំណែកថែរក្សា និងខិតខំប្រឹងប្រែងដើម្បីធ្វើការបង្កើតនូវអ្វីដែលថ្មី

និងបង្ហាញពីអត្តសញ្ញាណរបស់ខ្លួនកុំឱ្យបាត់បង់ តាមរយៈការផលិតចម្រៀងខ្មែរ ការបង្ហាញនូវម្ហូបអាហារខ្មែរ សម្លៀកបំពាក់ខ្មែរ និងមរតកវប្បធម៌ផ្សេងទៀតដូចជា ចាប៉ី ភ្លេងបុរាណ។ល។

លោកស្រីថា៖ «យើងទ្រព្យច្រើនត្រូវថែរក្សា កុំបារម្ភនឹងគេ បារម្ភនឹងខ្លួនឯង ព្រោះគ្មានអ្នកណាជួយថែនោះទេ។ អញ្ចឹងយើងខ្ញុំពឹងផ្អែកលើប្អូនៗយុវជន ទ្រព្យតិចណាព្រួយរិះគិត»។


ព័ត៌មានជាច្រើនទៀតសម្រាប់អ្នក